Alma Bradshaw, walking in my Manolo's....

FÆRA MIG UM SET....

Thu, 30 Aug 2007 21:00:33 GMT

JAMM elskurnar, ég ætla að prufa að gefa blogginu mínu nýtt heimili eins og okkur litlu fjölskyldunni...... FARIN á:

blogg.visir.is/almageirdal/

Komið í heimsókn krúsirnar er að klára að uppfæra og gera flott, en held meiri menning þar..... Almania.

Fréttir

Fri, 24 Aug 2007 22:55:18 GMT

Jæja mér finnst ég eiginlega skulda ykkur smá pistil, altaf öfgana á milli hjá mér, annað hvort langt á milli eða daglega eða oftar, spes.... En það helsta í fréttum elskurnar mínar er það að við erum búin að selja íbúðina okkar hér í Álfkonuhvarfinu og gerðist það aðeins hraðar en við bjuggumst við... Tók heila 4 daga sem mér þykir nú barasta nokkuð góður árangur, enda lögðum við okkur mikið fram hjúin við að hafa allt enn meira tip topp en vanalegt er ( ef það er hægt held ég að sumir segi núna;)). En þetta er stórskemmtilegt og hlakkar okkur mikið til nýrra breytinga og að hefja líf á nýjum stað, herbergi fyrir alla meira privat líf er það sem er efst á óskalista:D

Aðrar merkilegar fréttir eru þær að ég er komin í 74 gráður með hnéð þegar ég geri sjálf og nær 80 gráðum þegar sjúkraþjálfarinn beygir, með herkjum, tárum og gnístan tanna, en það tekst. Mér gengur ljómandi vel þarna inni og er enn svo hæst ánægð og upp með mér, líf mitt hefur tekið stakkaskiptum.

En nú verð ég að hætta og kveðja, hjúin við að fara að kíkka á The Secret, sem á víst að umturna hugsun manns........ Kem með söguna af því seinna.

Ykkar Alma

FÖSTUDAGSPISTILLINN

Fri, 17 Aug 2007 23:27:14 GMT

Langþráð helgi að detta í hlað, ótrúlega sérstakt hvað ég er uppgefin þessa dagana og þrái helgarfrí, eitthvað sem ég hér áður fyrr vissi varla hvað var, alltaf á þriðja hundraðinu og hélt, já lesiði aftur hélt að þannig líkaði mér lífið........

Ég hef samt verið núna uppá Reykjalundi síðustu daga að læra að temja mér heilbrigðari lífshætti, svo sem streituminna líf, góða hvíld og nægan nætursvefn sem inniheldur djúpsvefn, ekki bara svona rétt að loka augunum og liggja kyrr....... Daga sem hafa eitthvað uppá að bjóða sem mér þykir skemmtilegt, ekki erfitt, einungis nýt og finnst gaman að gera, að eiga stundir á daginn sem ég virkilega upplifi með börnunum sérstaklega og legg tuskuna, vinnuna eða baráttumálin til hliðar, ég hef að mér finnst fengið tækifæri til að vakna almennilega til lífsins og forgangsraða loks rétt, elskurnar hraðinn sem var í mínu lífi hér dagana, vikurnar og mánuðina fyrir slys var mér engan veginn hliðhollur og virkaði nánast eingöngu gegn mér og mínum.

Hef ákveðið að stíga gríðarlega stórt skref og taka risastóra ákvörðun, sem er að standa með sjálfri mér og nostra dálítið við mig og mína og sinna þeim einstaklingum best sem elska mig mest, ég hef eiginlega bara ákveðið að byrja loks núna af alvöru, orðin 28 ára gömul að lifa lífinu og upplifa það með ró og frið í hjarta,líkama sem er mér kær þótt pínu skakklappa, kyrrð í sálinni og rækta kærleikinn í mér fyrir mig fyrst og fremst því þannig virkar maður best með hinum. Ríkur af ást til sín, ríkari af ást til hinna.

Ég hefði ekki getað þetta án þess að hafa lent í slysinu, því það var það sem kom mér inná Reykjalund og þar hef ég lært stórkostlega hluti. Get sátt sagt að slysið var lán í óláni. Magnað.

*Kem með frekari fréttir seinna um helgina.*

Eigið ljúfa helgi og munið að fara varlega í miðborginni en njóta allra þessara viðburða sem verða þar um helgina.

Ykkar Alma

Almania talmania

Tue, 14 Aug 2007 00:30:51 GMT

Hellú allir, bara láta vita af mér hérna megin, sprelllifandi og hef varla tíma til að gera neitt annað nema vera duglega á Reykjalundi og fer ÖLL mín orka í það, fyrir utan aðrar skyldur....... Gengur glimrandi vel en neita því ekkert að þetta eru átök mikil fyrir löppina og er ég aftur komin á verkjalyfjakúr til að komast í gegnum þetta allt saman. En held barasta að ég standi mig prýðilega og ég er hæstánægð með þetta allt saman!! Erum á fullu inná fasteignamarkaðnum hjúin að skoða og spekulera í þessu öllu saman, margt sem heillar en vanda verður valið, en erum ótrúlega sammála með vonir og væntingar, yndislegt þegar það gerist og fólk stendur sammála í breytingum sem oft geta verið strembið viðfangsefni.

En annars verð ég að fara að halla höfði, hvíla lúinn skrokk og slaka á ofvirkum heila:D

Góða nótt kæru sálir og eigið ljúfan dag á morgun......... Munið að vera ykkur hliðholl og gefa ykkur heilan helling af ást og ykkar nánustu gommu af kærleik;)

Knús til ykkar, Almanian.

Litla lafði Geirdal undrandi

Tue, 07 Aug 2007 22:28:38 GMT

Ef ég hef ekki yndislega tilfinningu í brjósti mér þá hefur hana engin, ég er svo full þakklætis og þykir mér ótrúlegt að lukkan hafi leitað mig uppi og ég sé komin inná Reykjalund, þvílíkt tækifæri, tækifæri sem ég hélt aldrei að ég fengi og hvað þá að mér finnist ég eitthvað eiga það meira skilið en aðrir, en ég ætla mér svo sannarlega að nýta mér það og hvert skref sem ég tek þarna er mér dýrmætt, svona tækifæri fá nefnilega ekki allir, þetta er sönn paradís ef maður er þjáður af einhvers konar kvillum, verkjum, röskunum, sárum eða annars konar eymslum, stað sem Reykjalund ætti hver sál að geta sótt og svona staður ætti að vera fleirum mögulegt að sækja. Segi það aftur, ég er svoooo heppin og ég er svooo þakklát. Nú trúi ég því svo örugglega að ég muni ganga óhaltrandi einn daginn niður laugarveginn, á hælum með ekkert nema brosið og hugann fullan af jákvæðni og bjartsýni....... Can't wait;)

Fátt annað sem ég vildi deila með ykkur þessa stundina, þetta er svo frábært að þetta er alveg nóg í bili......... Bara auðvitað vona að vikan hafi byrjað vel og dagurinn ykkar hafi verið góður.

Með bestu kveðju,

Alma Geirdal:lol:

Lafðin hefur þetta að segja

Mon, 06 Aug 2007 02:08:14 GMT

Þessi líka ágætis Verslunarmanna helgi að líða undir lok, róleg og yfirveguð eins og þær gerast bestar að mínu mati, hef aldrei verið fíkill þegar kemur að þessari helgi, aldrei átt við það vandamál að stríða að þyrsta í subberíið og lætin í Eyjum og hef ég alveg komist af án þess að hafa nokkun tíma farið þangað. Finnst enn ekkert heilla mig við Þjóðhátíð, kannski of mikil snobb-borgar barn sem þolir illa mannþröng, óþrifnað og mikla drykkju, þetta þrennt aldrei verið á mínum óskalista...... En fannst bróðir minn í dag koma með ágætishugmynd, sem jafnvel ég væri til í að skoða. Fara einhverntíma bara á sunnudeginum, hafa það gott yfir daginn, skemmta sér um kveldið og nóttina og fara svo heim undir morgun, heim í kósí rúm að sofa, ekkert tjald, ekkert vesen og ekkert sem hugsanlega gæti átt sinn þátt í að eyðisleggja stundina ( aldrei að segja aldrei ) en annars færi ég ekki yfir nótt nema gista á besta staðnum í bænum, hver svo sem hann er.... Annað, líka eftir að maður eignaðist börn urðu útihátíðir eitthvað annars flokks dæmi sem maður skoðar með öðrruvísi hugarfari en þegar maður var yngri.... En auðvitað var allt annað mál með þessa helgi í fyrra, lét mig hafa það að gista í tjaldi og þurfa að pissa á kamri, troðast í þrenglsum og annað sem ég vanalega læt ekki plata mig útí, enda hvað gerir daman ekki fyrir að sjá Sigurrós spila, ALLT. Var líka busy við turtildúfu leikinn með Helganum mínum svo þetta var allt saman eitthvað svo ógleymanlegt. Ef Eyjar væru Sigurrós í Ásbyrgi þá færi ég:haha:

Annars höfum við bara verið að hafa það ljúft um helgina hér litla fjölskyldan. Við Helgi fórum í Leiknisgrill á föstudag til þess ágætispilts Ása liðstjóra, þar sem aðalega var fagnað nýjum tíðindum um nýjan þjálfara, gaman að sjá þessa meistara svo spennta og metnaðarfulla saman komna og að springa úr tilhlökkun, enda stórgott lið og eiga ekkert minna skilið en þennan að mér sýnist snilldar þjálfara frá danaveldi.

Annað skemmtilegt við þetta teiti var það að ég varð a bit tipzy og var hálf syngjandi þegar ég kom heim um miðnætti, hugsið ykkur hvað maður er orðinn prúður en samt mikill hænuhaus með árunum, hálf hvítvín og ég var ekki ég..... Ótrúlegt.

Svo er það búið að vera mikið um pizzuát, bíó, sund og annað gaman saman, Sylvía Sól og Martin Máni þrífast á því að gera eitthvað öll saman enda það allra besta fyrir börnin manns, að vera saman og vitiði elskurnar ég met þessar stundir svo óskaplega, ef maður hefur lent á þeim stað að næstum missa og fá svo annað tækifæri þá verða momentin manni meira virði en áður en maður upplifði slík augnablik.......

Hamingjan fellst í því að njóta augnabliksins, með þeim sem þú dáir og gerir jafnvel ekkert annað en að syngja með silly song.... Bara njóta.

Vonandi hafið þið átt glæsilega helgi elskurnar.

Ykkar Alma Geirdal:P

Í heimsókn til mín....

Thu, 02 Aug 2007 12:11:51 GMT

Já, að hugsa sér að hingað nenni svo margir að leggja leið sína, hvað ætli það sé, oft að pæla í því, þykir sjálfri ekki það mikið spennandi hér um að vera, en hvað það er þá vona ég að það skilji örlítið eftir sig hjá ykkur, allavega að ykkur leiðist það ekki!! Hálfpartin snortin daman verð ég að játa, yfir 200 manns í dag!!!! En endilega skiljið spor eftir í sandinum og kvittið elskurnar;) Eins og þið vitið hér flest að þá hef ég oft velt því fyrir mér hversu holt sé að blogga og skrifa fyrir opnum tjöldum og þó nokkuð persónulega hluti, en alltaf enda ég með að halda áfram svo niðurstaðan verður alltaf sú að ég held áfram á meðan ég og þið hafið gaman af, ítreka... GAMAN AF:$

Og talandi um gaman af að þá var gerð STÓR breyting á lafði Geirdal í gær ó já...... Ég undirrituð fór í alvöru klippingu í fyrsta sinn í allavega tvö ár og alvöru litun í fyrsta sinn í allavega 4 ár!!!!!!! Nei er ekki líkt mér veit, snyrtipinnanum ógurlega en þegar kemur að hárinu mínu skortir mikla fullkomnunaráráttu, hef afar takmarkaðan metnað fyrir því, eins og það var fallegt, dökkt og sítt en þá hef ég búið um það líkt og steinaldarmaður undanfarið misseri og klippt það sjálf og fátt annað gert en að vakna úfin, þvo það og greiða niður úr flókanum. En nú var það stytt allsvakalega og nær rétt fyrir neðan eyru og rétt fyrir ofan axlir og litað dökk brúnt og viti menn þetta fyllti sál mína gleði, ég hef ekki hætt að brosa og horfa á mig síðan í gær... Hehehehehe.... Semsagt þetta gerði það að verkum að ég er svakalega ánægð með sjálfa mig núna og mátti nú alveg vera það eftir allt þetta slysamál þá var mér farið að líða eins og vélmenni frekar en manneskju, en nú finnst mér ég mega pæ!!! Þarf semsagt ekki mikið til að gleðja mitt agnarsmáa flöktandi hjarta svo mikið að undan brosinu er mér farið að verkja......... So girl's ég mæli með smá dekri á ykkur allar, þarf ekki að vera stórt og dýrt, aðeins eitthvað til að draga fram konuna í ykkur og láta ykkur líða vel og jafnframt í leiðinni elska að vera þið:haha:

*Njótið dagsins, helgarinnar og barasta að vera til í sólinni*

Alma Dröfn

How sweet it is........

Wed, 01 Aug 2007 00:40:40 GMT

Dásamleg kvöldstund yfirstaðin, mæðgurnar í le familí komu í mat til min og Sylvíu Sól meðan Helginn var að keppa og auðvitað eldaði ég indverskt, mitt sérsvið og mitt uppáhald, ekkert bragðast jafn vel og rétt framreiddur indverskur aðalréttur!!! Nammi, namm.......... Höfðum það svo kósí, takk dömur mínar fyrir kveldið, elska ykkur allar heitt-heitar. Gaman að hóa saman konunum, sterku hlekkjunum í fjölskyldunni;) Höfum auðvitað alltaf karlana með á sunnudögum hjá mömmu og pabba en svona erum við friðsælar í slúðrinu og getum talað tæpitungulaust um allt það sem þeim finnst ekkert svo gaman að ræða um..... Skólamál barnanna, föt, óléttur, væluskjóðuþætti o.s.frv. Gott að vera kona:$

Fimmtudagurinn virðist ætla að verða dagurinn sem sonurinn kemur aftur heim úr sveitinni, ekki lítið sáttur lítill sveitagutti núna en vá hvað maður saknar þeirra alltaf hverst sinn sem þau fara, þótt um aðeins nokkra daga sé að ræða, eru helmingurinn af manni sem fá mann til að virka rétt, balancera rétt virðist einhvern vegin vera.

Gleymdi að segja ykkur frá því að það gekk ljómandi vel hjá lækninum á mánudag, henni leist vel á lafði Geirdal og framfarirnar að hennar mati miklar svo ég eftir allt stressið kom brosandi út. Bjóst við að þar sem ég væri ei enn komin í 90 gráðurnar að þá yrði e´g beygð í svæfingu og skrúfurnar teknar úr hnéskelinni en svo var ekki en verður gert eftir miðjan október ef ég verð ekki færari með fótinn þá og skrúfan tekin í febrúar ef enn er um mikla verki að ræða, svo nú er það bara Reykjalundur sem tekur við og þá er ekkert annað að gera en að taka á sínum stóra og kíla á þetta verkefni sem löppin er og gera með stæl...... Ég stefni á að vera farin að skokka, hjóla og trítla um á Manolo's sumarið 2009, áfallalaust, ok elskurnar??:haha:

En hvað um það , vonandi hefur vikan hingað til verið ykkur þægileg og eins og við ræddum hér um í kveld konur að þá mæli ég með því fyrir alla að sjá þægindin í því smáa sem kostar ekki neitt og nostrið svolítið við ykkur, gefið ykkur stund;)

Með bestustu kveðju, ykkar Almania Geirdallur:P

Ölmunni finnst ljúft........

Tue, 31 Jul 2007 01:26:12 GMT

..............Að liggja hér í ofboðslega þægilega rúminu okkar sem ég hef elskað ofur heitt frá degi eitt og skrifa, lesa gömul falleg kort frá mér til Helga, eða barnanna til mín, Helga til mín, elskulegu kortin frá systkynum mínum eða ljóðin öll eftir pabba sem alltaf fylgja afmæliskortunum frá ma & pa........

Að hugsa smá áður en ég leggst á koddann, eitthvað fallegt og fara með bænirnar mínar sem ég geri alltaf og hef alltaf gert í hljóði með sjálfri mér hverja nótt ansi lengi og ég læt ykkur öll mín ástkæru alltaf fylgja þar með í huganum, ég bið til engla og æðri máttar um heilsu góða, bjarta daga og góða líðan á línuna, mér finnst ég ekki í rónni þar til ég hef tryggt huga mínum ró um vellíðan barna minna í værum svefni, Helga hérna megin að halda utan um mig og vitandi það að á morgun kemur nýr dagur og passa ég alltaf að reyna af fremsta magni að láta mér hlakka til, dagurinn í dag þarf ekki að endurspegla morgundaginn.........

Góða nótt kæru sálir og í ljósi þessa hörmunga hér um helgina, reynum að vera öll barasta pínu corny og súper jákvæð, gerir ekkert nema að hjálpa til . Þess vegna gerðist ég væmin þetta skiptið og lýsti notalegu stundinni sem ég var að eiga;)

ÁST OG FRIÐUR.

Alma Dröfn Geirdal Ægis

Þetta vildi ég sagt hafa!!

Mon, 30 Jul 2007 00:10:19 GMT

Væri ekki yndislegt ef við öll hér á okkar litla fallega skeri myndum lifa í sátt og samlyndi, væri ekki skemmtilegt að geta hleypt krílunum út að leika án þess að hræðast og vera stressuð, enn betra væri að geta verið örugg í skinni og hvert fótmál hér á götum borgarinnar. Vildi óska þess númer 1,2 & 3 að okkar Ísland fagra Ísland væri ekki að breytast og verða nær því að vera litla Ameríka þar sem hrottaverkin gerast oft á dag. Mér er um megn þessar fréttir í dag. Hræðilegt alveg hreint ótrúlega hræðilegt:S

Ég er annars með afskaplega stóran kvíðahnút í mínum maga yfir morgundeginum, heimsókn til bæklunarlæknisins og hef ég beðið svo lengi að hér í maganum hefur tekist að myndast hnútur því ég hugsa stundum það versta og magna upp í mér hræðsluna um hið versta...... En yfirleitt gleðst ég yfir því þegar yfir er staðið og ég get brosað yfir því að hafa verið svo stressuð, kemur allt í lós og ég vona bara það besta.

Fyndið þykir mér að segja frá því að á mínar varir hefur enn ein frunsan fundið sér samastað og er hún afleiðing þess að við góðvinkonurnar gæsuðum okkar ástkæru vinkonu hana Birgittu á föstudag og var mikið um kossa og þá fæ ég alltaf FRUNSU, má ekki kyssa fleiri en 3 hvern sólahringinn:haha:En þessi frunsa er ljót og engin vinkona mín en ég reyni að sjá fegurðina í henni þarna dansandi og ullandi framan í mig í speglinum.... En gæsunin var ÆÐISLEG og viti menn gæsun þarf ekki að plana nema með kannski 48 klukkustunda fresti, okkur tókst það og var hún ein sú skemmtilegasta.... Innifalið fyrir verðandi brúður var að hún var sótt með látum heim, bundi fyrir augu í klukkustund, klædd í mega hottí dress, þröngar skræpóttar leggings, tiger hæla og magaskyrtu-ÆÐI, kippt frá augum fyrir framan listflugsvél og hent þar uppí sem henni þótti GEGGJAÐ og það besta var að þetta var pínulítil opin vél, svo mótorhjólarúntur um borgina.... Eftir það söng hún á Austurvelli og safnaði fyrir stétt sinni leikurunum, og auðvitað drykki á milli að eigin vali, svo heim í heilnudd, nuddarinn hann Gísli mætti heim og gladdi brúðina, við hinar elduðum og settum upp bar á meðan og tvær okkar hressustu afklæddust og elduðu naktar:haha: Yndislegt, svo var borðað, drukkið, spjallað, farið í sannleikan og kontor, dansað og haft mega gaman!!!!!!!!!! TAKK svo mikið stelpur, þetta var ógleymanlegt;) Sjáumst á Ísafirði í brúðkaupinu krúttlega þann 11 ágúst. Þannig frunsan hefur bara rétt á sér, var svo hamingjuríkt kveld aldagamalla vinkvenna að kossarnir urðu að vera margir. Love'ya stelpur..... Eins og við sögðum... 1 ár, 5 ár eða fleiri, alltaf erum við lang bestar og alltaf til staðar.

Vináttan er dýrmæt.

Átti líka yndislegt kveld á fimmtudag með Lilju Rutinni minni litlu frænku sem er mér alltaf sem litla systir, eitthvað sem þessi engill hefur sem við hin sækjumst í, takk fyrir mig Lilja mín. Ert yndi. Og ljúfan föstudag með skvísunni minni henni Sylvíu Sól og ég held barasta að ég geti sagt að the love is in the air, hvað annað heldur manni á jörðinni þegar fréttirnir eru svona svakalegar. Höldum kærleiknum á lofti, eina sem rennur aldrei út.................

Ykkar Alma Dröfn.

Erfitt að horfast í augu við...........

Fri, 27 Jul 2007 12:16:27 GMT

Ég tel það nokkuð víst að hugur minn hefur sjaldan verið jafn víðsvegar og undanfarna mánuði, þar sem ég reyni markvisst að senda minn styrk til þeirra sem eiga um sárt að binda, eru að ganga í gegnum erfiðleika eða glíma við hart. Ég fann það sjálf eftir slysið hvað það gaf mér mikið að finna fyrir hlýhug og styrk ykkar allra, það gefur kraft og orku í sálina.

Auðvitað getur það farið yfir öfga mörk þegar maður veltir sér uppúr slæmum frétum í sjónvarpi eða blöðum, og maður getur oft tekið of sterkt inná sig, en öllum er hollt að horfa í kringum sig og skilja að allt það slæma í heiminum eða það erifða sem náunginn við hliðina er að ganga í gegnum getur hent okkur sjálf. Eitt tiltekið mál hefur legið þungt á minum huga, og mér þykir hálf erfitt sem móðir að hugsa til þessa máls.

. Lítil bresk stúlka numin á brott af ókunnugum um miðja nótt þegar hún var stödd í sumarfríi með fjölskyldu og vinum.......... Manni svíður í hjartað við tilhugsun um það versta sem komið getur fyrir þegar maður á börn, að þau hverfi, slasist eða fari frá okkar heimi, að missa barn er vafalaust það versta sem ég tel fólk geta lent í. Bara hugsunin ein fær mann til að líða sem hálfri manneskju. Það hefur verið núna undanfarið í umræðunni um þetta mál talað um það að kæra ætti forledrana fyrir vanrækt á börnum sínum, en er hægt að refsa þeim eitthvað meir en nú þegar hefur verið gert?? AUÐVITAÐ glæfralegt að skilja börnin eftir og kíkka á þau á hálftíma fresti, margt getur gerst á mínútu hvað þá 30 mínútum!! En mitt kalda mat er það að þó þau hafi skilið þau eftir að þá á engin að taka barn, enginn skal gerast svo sjúkur, en til er afar sjúkt fólk í heiminum og afar sjúkt fólk gerir afar sjúka hluti, það er erfitt fyrir okkur hin að skilja það og engin leið í raun til fyrir okkur til að skilja svona hrottahátt.

En hann er til og því skilur maður börnin ekki eftir eitt augnablik. ég horfði á framhaldsmynd mánaðarins í júní á stöð2 þar sem fjallað var um þetta mál, mannsal og sú mynd reif í hjartað hún var svo átakanleg. En þar komu staðreyndir fram sem við hér verðum að átta okkur á og varast hættur líkt og þær sem þetta greyið fólk lenti í. Hvert ár fer traffic af fólki á ólögmætan hátt milli landa, talan sem kom þarna fram var 1.200.000 um heiminn allan, bara í gegnum USA voru 800.000!!

Þykir ykkur þetta ekki vera næg ástæða til að passa okkur konur og börn af bestu getu og menn þótt miklu minna sé um þetta hjá þeim og gleyma því aldrei eitt augnablik að líkama okkar er hægt að selja trilljón sinnum en t.d kokaín bara einu sinni??

Þetta er setning sem ég gleymi aldrei, líkaminn er þvílík gullnáma fyrir veruleikabrenglaða aðila sem horfa á okkur sem söluvarning sem selst alltaf.

Við skulum öll hugsa ögn um þetta og hugsa út fyrir boxið og vera ekki í afneitun fyrir því að heimurinn versnandi fer.

Alma Geirdal.

Imagine....

Mon, 23 Jul 2007 23:48:52 GMT

Þrátt fyrir það að finnast ekkert sérstaklega áhugavert að koma hér inn, skrifa og deila með ykkur því hér hafa vondir, bitrir og minna þroskaðir menn/konur verið að hangsa og believe you me, þannig smitar og gefur lítinn ljóma af því sem ég kem hingað með frá hjartanu og huganum. En mér þykir ekkert ekki heldur spennandi að dvelja á svo lágu plani svo ég læt ekki stoppa mig, því mér þykir gott að koma hingað á svæðið mitt og gleyma mér augnablik og pikka, ákveðin næring fyrir sálina sem því fylgir.Mæli með að allir hugsi útí hvað lífið getur veirð hverfult og stutt, vera barasta kát og elska alla, díll??8|

Nokkrar fréttir að færa, í þessum töluðu orðum er maðurinn minn í hreiðurgerð á hæsta stigi og gerðir sér lítið fyrir og endurskipulagði afar illa skipulagt þvottahús sem við höfum hér í kotinu okkar, men honum tókst vel til, þessar elskur, þegar þeir taka sig til er þeim ýmilsegt til listanna lagt, við konur eigum að vera svo himinlifandi á svona augnablikum því eins og þið konur vitið að þá getum við kvartað, röflað og veinað eins og við séum á launum við það, I like him there busy:lol:

Við hjúin erum bæði í sumarfríi fram yfir verslunarmannahelgina sem er ekki leiðinlegt, gott að sjatna í stressinu og ljúft að deila stundunum, akkúrat við það að gera ekki neitt nema vera með krílunum og hlúa að okkur, stundum þarf að taka sér daga í það og vera einbeittur við það!!! Við erum mikið að spá og spekulera í flutningum, mikið að spá í og margt að velta fyrir sér..... Því við höfum ákveðnar skoðanir á því hvert við viljum fara með okkur í framtíðinni og hverig við viljum hafa hlutina svo það er eins gott að breyta rétt. En það er frábært að við erum samstíga í þessum pælingum og erum sammála um það að fermetrar og miljónavirði færir okkur ekki gleðina né börnunum gæðin í framtíðina okkur langar að passa að vera saman og sátt og eiga nóg og geta gert meira....... Eitthvað á þá leiðina ef þið skiljið mig...... Annað sem við þurfum sannarlega að spá líka í að þessi fjölskylda mun stækka mun bráðar en mann grunar því tíminn flýgur á ógnar hraða framhjá manni og ég vil hafa lokið barneignum fyrir 35 árin og ef það er eitthvað sem mann langar ekki að þá er það að vera að standa í flutningum og stressi at that time!! Vá hvað maður hljómar skipulagður hér á blaði svo bara að sjá hvort plönin ná að standast og gerast í réttri röð... Huuummmm.... En það góða er að við eigum fallegt o notalegt heimili þangað til erum í engri tímaþröng þannig séð, enda þykir mann heilmikið vænt um staðinn...... Gleymi því aldrei þegar ég kom hingað fyrst.... Öllum stundunum á svölunum við að kynnast...... Hérna trúlofuðum við okkur á svölunum sem verður erfitt að kveðja...... Og þessa tíma sem við fjögur höfum átt hérna......En tími til kominn að stækka:D

Annars af löppinni minni er það helst að frétta að ég hef nánast alveg sleppt spelkunni og er komin á fullt að byggja mig aftur up, labba og gera miklar æfingar sérstaklega þar sem sjúkraþjálfarinn er í fríi, en breytingar sem þessar greinilega hafa kvaðir í för með sér því ég er að sálast í líkamanum, ég eftir slysið er komin með líkama á við gamla konu og ég held ég verði að sætta mig við það því oft verð ég ansi döpur yfir því að vera illt og geta ekki fundið verkjalausa mínútu yfir daginn, að geta ekki hoppað, að geta ekki setið i kross að geta ekki farið í hæla, að geta ekki vafið mig um manninn minn, að geta ekki hlaupið með krílunum að geta ekki bara verið eins og ég var........... Njótið þess litla og sjálfsagða sem þið gerið alla daga, ég hélt ég myndi aldrei hugsa um það sem forréttindi að hoppa. But it is:!::!::!:

Góðar stundir elskurnar, rokin í bað, í hvíldina og ég býð ykkur fagurra drauma og góða nótt til ykkar.

Almania;)

IP-tölur fyrir ykkur sem vitið ekki

Thu, 19 Jul 2007 16:07:32 GMT

Mér þykir fyrir því að svo sé komið, en þessi aðili sem er hér ítrekað með skítkast hugsar kannski ekki útí það að IP-talan kemur og hef ég tilkynnt til lögreglu, því ekki að koma undir nafni?? lýtur hálf illa út.

Mun birta upplýsingar um leið og kemst upp. ÞOLI EKKI SVONA framkomu undir leyninafni.

Kveðja, Alma Geirdal

Hellú. Taka # 2-reynum að hafa opið hér.......

Wed, 18 Jul 2007 20:56:38 GMT

Já komiði sæl elskurnar, ekkert hef ég staðið mig núna undanfarið í blogginu enda hálf dapurt þykir mér að neyðast til að blogga fyrir luktum dyrum....... En ákvað að kasta hér inn nokkrum orðum til að minna á mig og þakka samt fyrir innlitið. Miðað við að síðan hafi verið læst að þá þykir mér heimsóknirnar nokkuð öflugar, spes!! Ætla að reyna að hafa opið hér og vona innilega að öll illska sé fjarri, plz komið allavega ekki með hana hingað og skemmið fyrir öðrum, algerlega óþolandi!!!

Annars er allt hið besta að frétta, daman komin í sumarfrí í mánuð sem er dásamlegt og rembist ég nú við að halda mér í fríi, ekki auðvelt þar sem síminn stoppar ekki og mailunum linnir ekki. Það sem hefur verið gert í fríinu skemmtilegt er að ég skellti mér á ættarmót mín megin með krílin sem var sórgott og gaman að sína sig og sjá aðra nema hvað að Sylvía Sól tók við pestinni af mér og Helga og ældi á Þjóðvegi 1 á leiðinni heim, þvílíkar aðstæður, en sem betur fer hafði múttu mína, Boggu sína og Elísu elsku með í erfiðinu sem var eftir á hálf spaugilegt, greyið stelpan stóð sig eins og hetja. Mánudaginn síðasta keyrði ég svo ein vestur að kíkka á kallinn keppa ( og skora ) á móti Víking-Ólafsvík, leikurinn fór 1-1 svo ferðin var góð!! Spelkufréttir eru þær að ég hef verið án hennar í 4 daga og þvílíkt frelsi sem ég er kynnast á ný, að geta puntað sig án þess að vera í spelkuvænum fötum og geta lookað mannleg, ekki sem vélmenni, stórgóð tilfinning!!!

Talandi um stórgóðar tilfinningar að þá erum við Helgi nú búin að deila hjörtum í ár, nánartiltekið var afmælið okkar á sunnudaginn og var haldið uppá það eins og okkur einum er lagið, farið út að borða og það ekkert verið að breyta til, kíktum á TAPAS, allaf ljómandi gott. En já eitt ár sem mér þykir hafa liðið svakalega hratt og hugsið ykkur, slösuð í hálft ár af því............. Ótrúlegt að við stöndum enn brött eftir allt, sem segir mér að saman erum við klettar tveir sem liggja fallega saman.

Elska hann meir og meir og miklu meir og þykir ég lukkunni umvafin að eiga hann að;)

Ást og friður

Alma Geirdal

Lasaruss er ég heilsa á ný.....

Tue, 10 Jul 2007 20:50:38 GMT

Dróg mig í hlé og hafði voðalega gott af, þegar mér verður ofboðin framkoma fólks þá dreg ég mig í hlé..... En hér stíg ég spor mín á ný og áfram kát og glöð í hjarta, áfram hörð á mínu og áfram vil hafa ykkur hér kát með mér, elskurnar mínar.

Síðasta vika var hin besta barasta, fékk Sylví til mín á fimmtudeginum, degi fyrr einungis til að geta notið afmælisdagsins með dömunni, já lafðin er orðin 8 ára!!!!!! Ótrúlegt, finnst eins og í gær hafi ég barist við að koma þessum engli í heiminn, sem fæddist með þau allra minnstu og allra fallegustu augu sem ég hafði séð, hún var öll svo smá og fíngerð. Meistaraverk. En svo var föstudagurinn dagur sigursins, Helgi Pjetur og hans samsnillingar í Leikni sigruðu með 4 mörkum, KA nánar tiltekið og ég nánast grét, hugsið ykkur stökkbreytinguna.

Skoðanakönnunin síðasta var afskaplega skemmtileg, og samkvæmt henni er ekki langt í að ég verði kúluhús, eða þið kusuð oftast þann möguleika að Ölmu/Helgabarn komi VERY SOON....... Aðeins að melta það.

En nú vorum við nánast að lenda hér í Álfkonuhvarfinu á ný eftir 4 daga dvöl í sælunni í Fljótunum hjá fjölskyldunni hans Helga þar sem auðvitað var sweet, ansi langt síðan við fórum þangað síðast, sem var bara um Verslunarmannahelgina síðustu og þá vorum við svona mega turtildúfur, búin að vera saman í mánuð og ég sá bara hann og hann bara mig. Núna var notalegt og líður mér afskaplega vel með þessu fólki og við tókum Sylvíu Sól með okkur sem er auðvitað alveg ljúfast að segja frá þí hún var búin að vera í burtu frá okkur í mánuð. Æði þessi elska, spiluðum út í eitt. Martin Máni kom heim í dag úr fríi svo loks erum við sameinuð á ný, en............... Ég er orðin lasaruss og fíla það ekki, hita, beinverki, magaverki og höfuðverk!!! Gæti það orðið eitthvað verra?? Svo ég kasta mér nú í lasaruss gallan og geri það sem maður á að gera lasin, liggja og horfa á:(

Svo ég býð góða nótt og vona að ykkur dreymi fallega;)

Alman.